عاللى فى عقلى هناك بيدور ..

إيه راح أقول ..

اسكت واهرب .. ولا أجرح وأقول ..

أخدع واكدب .. ولا أهرب وأنسى

هأقدر أنسى ..

هتقدر تنسى ..

قلب جرحته بإيديك يا ملاك ..

هاقدر أقسى وأعمل نفسى نسيت وخلاص ..

وأما تقرب هاعمل نفسى ما خدتش بالى ..

أصل الحيرة دى صعبة أوى بالنسبة لى ..

أما حياتك .. إنت احسبها ..

وأوعى تفكر إنى أنا هأقدر يوم أتحرر

من أغلال حبك وهواك

انسى الحب وناره ..

انسى القسوة اللى أنا شوفتها وياك ..

أوعى تقولى نضحى وننسى .. ونبدأ تانى بأى كتاب

انا وحياة الجرح معاك .. مش هاتحمل يوم رؤياك

وانت بتخدع .. وانت بتجرح .. وانت معايا كأن ملاك

شوف الليل والقسوة حبيبى .. بعد نهار حبى وياك

شوف بعينيك قلبى اللى اختارك .. يوم ما يبيع هيبيع ازاى

قلبى اتعلم يقدر يقسى

أنا يا حبيبى صحيح بشتاق لك ..

لكن الجرح مش نسياه

قلبى وعقلى عليك اجتمعوا . وانت هتخسر

ليل ونهار . ضلمة ونور .. عقل وروح ..

واللى مكتوب لى وياك .. إنى أقاسى فى بحر هواك

ازاى تطلب تانى وتنادى .. إنى أرجع تانى بفؤادى

شوف فى بعادك إزاى هاقدر أمشى وأكمل وحدى .. أنا هأقدر

هاقدر أدوس على أحزانى وأحرر قلبى اللى هواك

من سياف الغدر طباعه

من أغلال حبى وهواك ..